لاہور( پاک ترک نیوز) انسٹا گرام میں اینڈ ٹو اینڈ انکریشن ختم ،صارفین کی پرائیویسی خطے میں پڑ گئی۔
میٹا نے انسٹاگرام کے ڈائریکٹ میسیجز سے اینڈ ٹو اینڈ انکرپشن ختم کرنے کا اعلان کر دیا ۔ اس فیصلے کے بعد اب انسٹاگرام صارفین کے میسجز، تصاویر، ویڈیوز اور وائس نوٹس تک رسائی حاصل کر سکے گا۔
اس فیچر کی وجہ سے ایک اکاؤنٹ سے دوسرے اکاؤنٹ تک پیغام انکرپٹڈ شکل میں جاتا تھا تاہم اب ایسا نہیں ہو گا۔
انسٹا گرام کے براہِ راست پیغامات میں اینڈ ٹو اینڈ انکرپشن کا خاتمہ میٹا کے جانب سے ایک بڑے یو ٹرن کے مترادف ہے، جس نے اس سے قبل اس ٹیکنالوجی کو صارف کی پرائیویسی کا سنہری معیار قرار دیا تھا۔
’ای ٹو ای ای‘ آن لائن پیغام رسانی کی سب سے محفوظ شکل ہے جس میں صرف پیغام بھیجنے والا اور وصول کرنے والا ہی اسے دیکھ سکتا ہے تاہم اس کے مخالفین کا کہنا ہے کہ اس سے شدت پسندانہ مواد آن لائن پھیل سکتا ہے اور حکام اسے روک نہیں سکتے۔
اس کا مطلب یہ ہے کہ میٹا کے اس فیصلے کا خیرمقدم جہاں بچوں کی فلاح کے لیے کام کرنے والے گروپوں نے کیا ہے وہیں پرائیویسی کے حامیوں نے اس کی مذمت کی۔
ای ٹو ای ای بند کرنے کے بعد، انسٹاگرام اب براہِ راست پیغامات کے ذریعے بھیجے گئے تمام مواد تک رسائی حاصل کر سکے گا، جن میں تصاویر، ویڈیوز اور وائس نوٹس شامل ہیں۔
دو ہزار انیس میں میٹا نے فیس بک اور انسٹاگرام پر پیغام رسانی میں اس ٹیکنالوجی کو متعارف کرانے کا وعدہ کیا تھا اور کہا تھا کہ مستبقل نجی ہے۔
کمپنی نے 2023 میں فیس بک میسنجر کے پیغامات کو اینڈ ٹو اینڈ انکرپٹ کیا تھا اور بعد میں اسے انسٹاگرام پر بطور اختیاری فیچر متعارف کرایا تھا، جسے لازمی حصہ بنانے کا منصوبہ تھا۔
