ڈھاکہ ٹیسٹ ، چوتھے روز بھی میچ بارش سے متاثر

ڈھاکہ ( پاک ترک نیوز) دو میچوں پر مشتمل سیریز کا پہلا ٹیسٹ میچ چوتھے روز بھی بارش کے باعث متاثر ہو گیا ۔
تفصیلات کے مطابق ڈھاکہ میں کھیلے جا رہے پہلے ٹیسٹ میچ کے چوتھے روز بھی بارش کے باعث میچ روک دیا گیا ۔
بنگلہ دیش نے دو وکٹوں کے نقصان پر 93رنز بنا ئے ہیں اور اس کی دوسری اننگز میں پاکستان کیخلاف مجموعی برتری 120رنز ہو گئی ہے۔
چوتھے روز کا آغاز بنگلہ دیش نے کیا تو اس نے بغیر کسی کے نقصان کے 7رنز بنائے تھے ۔تاہم اوپنر محمد حسن 5رنز بنا سکے اور محمد عباس کی گیند پر ایل بی ڈبلیو ہوگئے ۔
دوسری وکٹ شادمان حسین کی شکل میں گری جب وہ 10رنز کر پویلین لوٹ گئے ۔
مومن الحق 37جبکہ کپتان نجم الحسن شینتو 34رنز کر کریز پر موجود ہیں ۔
اس سے قبل بنگلہ دیش نے پہلی اننگز میں 413رنز بنائے تھے جبکہ پاکستان کی پوری ٹیم پہلی اننگز میں 385رنز بنا کر پویلین لوٹ گئی تھی۔
واضح رہے کہ سیریز کا دوسرا ٹیسٹ میچ کا آغاز 16مئی سے ہو گا ۔