راولپنڈی ( پاک ترک نیوز) پاک افغان سرحد پر دراندازی کی دو کوششیں ناکام بنا دی گئیں ،پاک فوج کے آپریشن میں 13خوارج مارے گئے۔
مہمند میں 8 اور شمالی وزیرستان میں 5خوارج اپنے انجام کو پہنچے،سکیورٹی ذرائع کے مطابق فتنہ الخوارج کے دہشت گرد پاکستان میں داخل ہونے کی کوشش کر رہے تھے،، فائرنگ کے شدید تبادلے کے دوران ہلاک ہوگئے۔
آئی ایس پی آر کے مطابق افغان طالبان اپنی ذمہ داریاں پوری کریں اور خوارج کو پناہ نہ دیں،، پاکستان کی سکیورٹی فورسز ملکی سرحدوں کے دفاع کے لئے پُرعزم ہیں، غیر ملکی سرپرستی میں ہونے والی دہشتگردی کا مکمل خاتمہ کیا جائے گا۔
پاک افغان سرحد پر دراندازی کی کوشش ناکام ،13خوارج ہلاک
