جمعہ کو تیل کی قیمتوں کا دوبارہ تعین کرنا ہے ،وزیراعظم

اسلام آباد ( پاک ترک نیوز) وزیراعظم شہبازشریف کا کہنا ہے ایران اور امریکا کے درمیان سیز فائر جاری ہے۔ خطے میں امن کے لیے صدق دل سے کوششیں کیں ۔
نائب وزیراعظم اسحاق ڈار اور فیلڈ مارشل سید عاصم منیر کی کوششوں سے سیز فائر میں توسیع ہوئی ،۔ گیارہ اپریل کو امریکا اور ایران کے اکیس گھنٹے تک مذاکرات ہوئے ، عباس عراقچی نے یقین دلایا ،قیادت سے مشورہ کر کے جواب دیں گے۔
مذاکرات کے دوران محسن نقوی کا بڑا کردار رہا ،کابینہ اجلاس میں اظہار خیال کرتے ہوئے وزیراعظم نے کہا خام تیل کی قیمتیں پھر آسمان سے باتیں کر رہیں،جمعہ کو تیل کی قیمتوں کا دوبارہ تعین کرنا ہے،وفاقی کابینہ کے اجلاس میں مشرق وسطیٰ میں تنازع کے خاتمے کے لئے پاکستان کی سفارتی کوششوں کا جائزہ لیا گیا۔
کابینہ اجلاس میں ملک کی معاشی اور سیاسی صورتحال پر بھی غور کیا گیا ، وفاقی کابینہ نے اقتصادی رابطہ کمیٹی کے حالیہ اجلاس کے فیصلوں کی توثیق کردی۔ وزارت تعلیم کی اسلام آباد میں کنٹریکٹ ملازمین کو ریگولر کرنے کی سمری منظور کر لی گئی۔