اسلام آباد (پاک ترک نیوز )گریڈ 21 کے سرکاری افسران کی گریڈ 22 میں ترقیوں کے لئے ہائی پاورڈ سلیکشن بورڈ کا اجلاس ملتوی کر دیا گیا،ہائی پاورڈ سلیکشن بورڈ کا اجلاس آج طلب کیا گیا تھا
ذرائع کے مطابق وزیراعظم شہباز شریف اور نائب وزیراعظم اسحاق ڈار کی مصروفیات کے باعث بورڈ اجلاس ملتوی کیا گیا،اجلاس میں مختلف کیڈرز کے 14 افسران کی ترقیوں پر غور کیا جانا ہے، ہائی پاورڈ سلیکشن بورڈ کے اجلاس کی نئی تاریخ کا اعلان بعد میں کیا جائے گا،اجلاس کی صدارت وزیراعظم شہباز شریف یا نائب وزیراعظم اسحاق ڈار کریں گے۔۔
ہائی پاورڈ سلیکشن بورڈ کے ممبران میں وزیر دفاع خواجہ آصف، چیئرمین پاکستان پیپلز پارٹی بلاول بھٹو زرداری بھی شامل ہیں۔ سیکریٹری کابینہ، سیکریٹری اسٹیبلشمنٹ ڈویژن، وزیراعظم کے پرنسپل سیکرٹری بھی بورڈ کا حصہ ہیں
