اسلام آباد ( پاک ترک نیوز) صدر مملکت آصف علی زرداری کا کہنا ہے کہ کتاب انسان کی بہترین دوست، ہر دور میں رہنمائی کرتی ہے۔نوجوانوں کو کتاب سے جوڑنا روشن پاکستان کی ضمانت ہے ۔
صدر آصف علی زرداری نے عالمی یوم کتاب پر پیغام میں کہا کہ معاشرتی مسائل کے حل کے لیے کتابوں کا مطالعہ ناگزیر ہے ، ۔پاکستان میں مطالعہ کے کلچر کو فروغ دینا قومی ترقی کے لیے ضروری ہے صدر مملکت نے کہا کہ مصنوعی ذہانت کے دور میں بھی کتابوں کی اہمیت کم نہیں بلکہ پہلے سے زیادہ ہو چکی ہے، نئی نسل میں مطالعہ کی عادت کو فروغ دینا وقت کی اہم ضرورت ہے، کتاب انسان کی بہترین دوست ہے جو ہر دور میں رہنمائی فراہم کرتی ہے۔ گہرائی سے پڑھنے اور سوچنے والے افراد ہی مستقبل میں نمایاں ہوں گے، کتابیں خود آگاہی، کردار سازی اور مثبت سوچ کو فروغ دیتی ہیں۔
نوجوانوں کو کتاب سے جوڑنا روشن پاکستان کی ضمانت ہے،صدر آصف زرداری
