عیدالفطر پر لاہور سمیت ملک بھر کے ہوائی اڈوںسے 150پروازیں منسوخ

لاہور( پاک ترک نیوز) عیدالفطر کے تینوں روز ملک بھر سے مشرقی وسطی جنگ کے باعث پروازوں کا نظام درھم برہم ہو گیا۔لاہور سمیت ملک بھر سے 150سے زائد پروازیں منسوخ ہوئی ہیں۔
لاہور سے العین اور فیجرہ ائیرپورٹ پر جزوی فضائی آپریشن بحال ہوا ہے۔
ائیرپورٹ زرائع کا کہنا ہے کہ لاہور سے کویت بحرین ایران عراق شام کے ائیرپورٹ مکمل طور پر فضائی آپریشن کے لیے بند ہے۔
لاہورسے عید الفطر کے تینوں روز علامہ اقبال انٹرنیشنل ایئرپورٹ سمیت ملک بھر کے ائیرپورٹس سے 150 سو سے زائد پروازیں منسوخ ہوئیں ۔
لاہور عید الفطر کے پہلے روز 73 عید کے دوسرے روز 40 اور عید الفطر کے تیسرے روز 41 پروازیں منسوخ ہوئیں۔
ایئر پورٹ ذرائع کے مطابق مشرقی وسطی کے حالات سنبھلتے ہی فضائی آپریشن کے نظام میں بہتری آئے گی ۔تمام ملکی و غیر ملکی ائیر لائینز کو پاکستان کی فضائی حدود سے گزرنے میں کوئی مشکلات نہیں۔بین الاقوامی سول ایوی ایشن قوانین کے تحت تمام سہولیات فراہم کی جارہی ہیں۔
ایئر پورٹ ذرائع کا کہنا ہے کہ پاکستان کے کسی بھی ائیرپورٹ پر کوئی ایمرجنسی کو صورتحال نہیں ہے۔اندرون اور بیرون ممالک فضائی آپریشن معمول کے مطابق چل رہا ہے ۔