لاہور( پاک ترک نیوز) عید کی مٹھاس کیک کے بغیر ادھوری ہے ، جوں جوں عید قریب آ رہی ہے، بازاروں کی رونقیں بڑھتی جا رہی ہیں، اور بیکریوں میں مصروفیت اپنے عروج پر پہنچ چکی ہے۔شہری عید کی خوشیوں کو مزید میٹھا بنانے کے لیے کیک کی بکنگ کروا رہے ہیں۔
بڑے شہروں کی بیکریوں پر کیک آرڈرز کا رش دیکھنے میں آ رہا ہے۔چاکلیٹ، پائن ایپل، بلیک فاریسٹ اور کسٹرڈ کیکس کی مانگ میں نمایاں اضافہ ہو چکا ہے۔بیکرز کا کہنا ہے کہ عید سے چند روز قبل آرڈرز کئی گنا بڑھ جاتے ہیں۔
خاص ڈیزائن والے کیکس بھی اس بار توجہ کا مرکز ہیں۔بچوں کے کارٹون تھیم، فیملی سیلیبریشن اور عید اسپیشل ڈیزائنز کے ساتھ کیکس تیار کیے جا رہے ہیں۔ ایک بیکری مالک کا کہناہےعید کے موقع پر کیک کی ڈیمانڈ بہت بڑھ جاتی ہے، ہم دن رات کام کر رہے ہیں تاکہ ہر گاہک کو بروقت آرڈر فراہم کیا جا سکے۔”
عید کی خوشیاں ہوں یا مہمانوں کی آمد،کیک کے بغیر جشن ادھورا لگتا ہے۔ماہرین کا کہنا ہے کہ فوڈ انڈسٹری میں عید کے موقع پر کاروبار میں نمایاں اضافہ ہوتا ہے، جس سے معیشت کو بھی سہارا ملتا ہے۔
