ایران کی گیس فیلڈ پر حملے کے بعد جوابی کارروائی ،سعودی عرب ،امارات ،قطر میں آئل اور گیس تنصیبات پر میزائل داغے گئے

تہران ( پاک ترک نیوز) اسرائیل کے ایران میں دنیا کی سب سے بڑی گیس فیلڈ پرحملے کے بعد تہران نے جوابی کارروائی کی ہے۔
سعودی عرب ،امارات ،قطر میں میزائل داغے گئے ،سعودی عرب کی سامرف ریفائنری ، الجبیل پیٹروکیمیکل کمپلیکس،متحدہ عرب امارات کی الحسن گیس فیلڈ،، حبشان گیس تنصیبات کو نشانہ بنایا گیا ۔
قطر کے مسیعید پیٹروکیمیکل کمپلیکس اور راس لفان ریفائنری پر بھی میزائل حملے ، گیس تنصیب پر حملے کے بعد قطر کا 2 ایرانی سفارتکاروں کو ملک چھوڑنے کا حکم دیدیا۔
سعودی وزیر خارجہ فیصل بن فرحان کا کہنا ہے ریاض میں دو ریفائنریز پرحملے کیے گئے ،ایران نے حملے کر کے اپنی ساکھ متاثر کی ، ایرانی حملوں کا جواب دینے کا حق محفوظ رکھتے ہیں،سعودی قیادت وقت آنے پر ضروری فیصلہ کرے گی۔