بھارت اور کینیڈا میں یورینیم فراہمی کا معاہدہ،پاکستان کا اظہار تشویش

اسلام آباد ( پاک ترک نیوز) بھارت اور کینیڈا میں یورینیم فراہمی اور جوہری ری ایکٹر ٹیکنالوجی تعاون کے معاہدے پر پاکستان کا اظہار تشویش ،ترجمان دفتر خارجہ کا کہنا ہے بھارت نے اپنی تمام سول جوہری تنصیبات آئی اے ای اے کی نگرانی میں نہیں دیں۔
اس پیش رفت سے جنوبی ایشیا میں اسٹریٹجک توازن مزید متاثر ہونے کا خدشہ ہے،، بیرونی یورینیم فراہمی سے بھارت کے مقامی ذخائر فوجی مقاصد کے لیے دستیاب ہو سکتے ہیں، جس سے اس کے جوہری ہتھیاروں کے ذخائر میں اضافہ ہو سکتا ہے،، سول جوہری تعاون غیر امتیازی اور معیار پر مبنی طریقہ کار کے تحت ہونا چاہیئے۔
این پی ٹی میں شامل نہ ہونے والی تمام ریاستوں کے لیے یکساں اصول اپنانا ضروری ہے، منتخب استثنیٰ عالمی عدم پھیلاؤ نظام کی ساکھ کو کمزور اور علاقائی و عالمی امن کو عدم استحکام سے دوچار کر سکتے ہیں،