تہران (پاک ترک نیوز ) ایران کے وزیر خارجہ عباس عراقچی کا کہناہے امریکا لبنان پر اسرائیلی حملے بند کرنے کے لیے دباؤ ڈالے،مسئلہ لبنان سمیت امریکا کے ساتھ مفاہمتی یادداشت کے تمام حصوں کا احترام کیا جانا چاہیے۔
ایرانی وزیر خارجہ نے کہا امریکہ کی طرف سے دستخط کیے گئے ایم او یو کو اسرائیل نے بھی قبول کیا ہے،امریکا اپنی ذمہ داری پوری کرتے ہوئےاسرائیل کو لبنان میں حملے بند کرنے پر مجبور کرے،اسرائیل ، لبنان کے ان علاقوں سے دستبردار ہو جائے جن پر اس کا قبضہ ہے۔
ایرانی وزیر خارجہ عباس عراقچی نے کہا آبنائے ہرمز مکمل طور پر ایران کے قابومیں ہے، 30 دن تک ایران کی سخت نگرانی ہوگی ،تمام رکاوٹیں دور ہونے کے بعد آبنائےہرمز کی مکمل صلاحیت بحال کر دی جائے گی،کسی قسم کی مداخلت یا یکطرفہ اقدام سے صورتحال بگڑ جائے گی اور آبنائے دوبارہ کھولنے میں تاخیر ہوگی۔
