کولمبو ( پاک ترک نیوز) پاکستان نے ٹی ٹونٹی ورلڈ کپ 2026کے افتتاحی میچ میں نیدر لینڈز کو شکست دیدی۔
تفصیلات کے مطابق سری لنکا میں کھیلے جا رہے میچ میں پاکستان نےنیدر لینڈز کیخلاف آخری اوورمیں 3وکٹوں سے کامیابی سمیٹی۔پاکستان نے 148رنز کا ہدف7وکٹوں کے نقصان پرپوراکیا۔
پاکستان کی جانب سے صاحبزادہ فرحان نے 47،فہیم اشرف نے 29رنز کی ناقابل شکست اننگز کھیلی ۔قومی ٹیم نے نیدر لینڈ کے 147رنز کے جواب میں پراعتماد بیٹنگ کا آغاز کیا تاہم صائم ایوب 27رنز کے مجموعی سکور پر پہلے آئوٹ ہونیوالے کھلاڑی تھے جنہوں نے 24رنز سکور کئے ۔
کپتان سلمان علی آغا بھی خاص کارکردگی کا مظاہرہ نہ کر سکے اور محض 12رنز کے ہی مہمان ثابت ہوئے ۔ عثمان خان بغیر کوئی رن بنائے پویلین لوٹ گئے ۔ مایہ ناز بلے باز بابراعظم 15رنز ہی بنا سکے ۔
شاداب خان اور محمد نواز نے 6،6رنزسکور کئے ۔
نیدر لینڈز کی جانب سے پال وین میکرم اور آریان دت نے دو دو کھلاڑیوں کو آئوٹ کیا ۔
اس سے قبل نیدر لینڈز نے 19.5اوورز میں 147رنز سکور کئے ۔ نیدر لینڈز کی جانب سے کپتان ایڈورڈز نے 37جبکہ لیڈز نے 30رنز سکور کئے ۔
پاکستان کی جانب سے سلمان مرزا نے تین جبکہ ابرار اور صائم ایوب نے دو دوک کھلاڑیوں کو پویلین کی راہ دکھائی ۔
ٹی ٹونٹی ورلڈ کپ :پاکستان نے افتتاحی میچ میں نیدر لینڈز کو شکست دیدی
