جدہ ( پاک ترک نیوز) وزیراعظم محمد شہباز شریف جدہ پہنچ گئے ہیں۔
مکہ کے نائب گورنر شہزادہ سعود بن مشال بن عبدالعزیز سعودی عرب کے وزیرِ زراعت اعلی سفارتی حکام نے وزیرِ اعظم وپاکستانی وفد کا پر تپاک استقبال کیا.
وزیرِ اعظم کی سعودی ولی عہد و وزیرِ اعظم شہزادہ محمد بن سلمان کے ساتھ ملاقات ہوگی۔پاکستان اور سعودی عرب کے مابین دیرینہ برادرانہ تعلقات اور شراکت داری کو مزید مضبوط کرنے اور خطے کی صورتحال پر تبادلہ خیال ہوگا.
وزیرِ اعظم اپنے دورے کے دوران عمرہ کی ادائیگی کریں گے۔وزیراعظم مدینہ منورہ میں روضہ رسول صلی اللہ علیہ وسلم پر حاضری بھی دیں گے۔
یہ بھی پڑھیں: ایم ڈی کیٹ 2026 کی تاریخ تبدیل، نیا شیڈول جاری
نائب وزیرِ اعظم و وزیرِ خارجہ محمد اسحاق ڈار، آرمی چیف و چیف آف ڈیفینس فورسز فیلڈ مارشل سید عاصم منیر، وفاقی وزراء خواجہ محمد آصف، عطاء اللہ تارڑ اور معاون خصوصی طارق فاطمی بھی وزیرِ اعظم کے دورے میں انکے ہمراہ ہیں.
