واشنگٹن ( پاک ترک نیوز) سعودی عرب پر حوثیوں کے حالیہ حملوں اور بڑھتی ہوئی کشیدگی کے پیشِ نظر امریکا نے سعودی عرب میں موجود اپنے غیر ضروری سفارتی عملے اور ان کے اہلخانہ کو ملک چھوڑنے کی ہدایت جاری کر دی ہے۔ذرائع کے مطابق امریکا خلیجی خطے کے دیگر ممالک سے بھی اپنے سفارتی عملے کو واپس بلانے کی تیاریاں کر رہا ہے۔ اس کے علاوہ امریکی وزارتِ خارجہ نے قطر، متحدہ عرب امارات، بحرین، اسرائیل اور اردن میں موجود تمام امریکی شہریوں کے لیے سیکورٹی الرٹ بھی جاری کر دیا ہے۔
یہ بھی پڑھیں: امریکا کو آبنائے ہرمز کھولنے کے لیے ایران کی شرائط پوری کرنا ہوں گی ، عباس عراقچی
امریکی محکمہ خارجہ کے ترجمان نے صورتحال کی تصدیق کرتے ہوئے کہا کہ "فی الحال سعودی عرب میں تعینات غیر ضروری سفارتی عملے اور ان کے اہلخانہ کو وہاں سے منتقل ہونے کی اجازت و ہدایت دی گئی ہے۔”ترجمان کے مطابق خطے میں امریکی شہریوں اور سفارتی عملے کی سلامتی کا جائزہ مسلسل لیا جا رہا ہے اور ضرورت پڑنے پر مزید اقدامات بھی کیے جا سکتے ہیں۔
