پی ایس ایل 11فائنل ، پشاور زلمی ہدف کے تعاقب میں مشکلات کا شکار

لاہور( پاک ترک نیوز) پاکستان سپر لیگ ( پی ایس ایل )سیزن 11کے فائنل میچ میں پشاور زلمی ہدف کے تعاقب میں حیدر آباد کنگز مین کیخلاف مشکلات کا شکار ہو گئی ۔
تفصیلات کے مطابق لاہور کے قذافی سٹیڈیم میں کھیلے جا رہے پی ایس ایل سیزن 11کے فائنل معرکہ میں پشاور زلمی نے 130رنز کے ہدف کے تعاقب میں 5.1اوورز میں 40رنز بنائے ہیں اور اس کے 4بلے باز پویلین لوٹ چکے ہیں۔
بابراعظم بغیر کوئی رن بنائے آئوٹ ہوئے ،محمد حارث 6سکور ہی بنا سکے ،کوشال مینڈس 9جبکہ بریسول 4رنز کے مہمان ثابت ہوئے ۔
حیدر آباد کی جانب سے محمد علی نے 2،عاکف جاوید اور حنین شاہ نے ایک ایک وکٹ حاصل کی ہے۔
قبل ازیں پی ایس ایل 11کے فائنل میں حیدر آباد کنگز مین نے پشاور زلمی کو جیت کیلئے 130رنز کا ہدف دیدیا۔حیدر آباد کنگز مین کی پوری ٹیم پشاور زلمی کیخلاف 129رنز بنا کر آئوٹ ہو گئی۔
پاکستان سپر لیگ کے بڑے معرکے میں پشاور زلمی کا حیدر آباد کنگز مین کیخلاف ٹاس جیت کر پہلے بائولنگ کا فیصلہ کیا ہے۔
حیدر آباد کی وکٹیں وقفے وقفے سے گرتی رہیں ، معاذ صداقت سب سے پہلے آئوٹ ہوئے انہوں نے 11رنز بنائے ۔ کپتان مارنس لبوشن 20رنز بنا کر پویلین لوٹ گئے ۔
عثمان خان 8رنز کے مہمان ثابت ہوئے ،عرفان خان نیازی ایک رنز بنا سکے ، میسکویل بغیر کوئی سکور بنائے پویلین لوٹ گئے ۔
کوشال پریرا صرف ایک رنز ہی سکور کر سکے جبکہ حسن خان 12رنز بنا کر آئوٹ ہوئے۔حنین شاہ 9، صائم ایوب 54جبکہ عاکف جاوید پانچ رنز بنا کر آئوٹ ہوئے ۔
پشاور زلمی کی جانب سے ہارڈی نے 4،ناہید رانا نے 2جبکہ سفیان مقیم اور باسط نے ایک ایک وکٹ حاصل کی ۔
پشاور زلمی میں ایک تبدیلی کی گئی ہے ناہید رانا کو پلیئنگ الیون میں شامل کیا گیا ہے جبکہ حیدر آباد کنگز مین میں کوئی تبدیلی نہیں کی گئی ۔
یاد رہے کہ پشاور زلمی نے اس سے قبل 2017میں ٹرافی اپنے نام کی تھی جبکہ حیدر آباد کنگز مین پہلی بار حصہ بنی ہے ابتدائی شکست کے بعد حیدر آباد نے اپنی کارکردگی سے فائنل میں جگہ بنائی ہے ۔