اسحاق ڈار اقوام متحدہ کے اجلاس میں شرکت کے لئے نیویارک پہنچ گئے

نیویارک (پاک ترک نیوز)
نائب وزیراعظم اوروزیر خارجہ سینیٹر محمد اسحاق ڈار اقوام متحدہ کی جنرل اسمبلی کے 80ویں اجلاس کے اعلیٰ سطحی اجلاس میں شرکت کے لیے گذشتہ شب نیویارک پہنچ گئے ہیں۔
اسحاق ڈار کی نیویارک آمد پر اقوام متحدہ میں پاکستان کے مستقل نمائندے سفیر عاصم افتخار احمد، سفیر رضوان سعید شیخ، امریکہ میں پاکستان کے سفیر اور مشن کے سینئر حکام نے ان کا استقبال کیا۔
نیویارک میں قیام کے دوران وزیر خارجہ انتہائی مصروف وقت گزاریںگے ۔ اپنی بہت سی مصروفیات میں وزیر اعظم کے ہمراہ انکی عالمی رہنماؤں سے ہونے والی ملاقاتوں میں انکے ہمراہ جانے کے علاوہ وہ متعدد وزارتی اور اعلیٰ سطحی اجلاسوں اور ملاقاتوں میں پاکستان کی نمائندگی کریں گے اور دنیا بھر سے اپنے ہم منصبوں کے ساتھ ایک درجن سے زائد دو طرفہ ملاقاتیں بھی کریں گے۔
اقوام متحدہ کے 22 سے 26 ستمبر 2025 تک جاری رہنے والے سالانہ اجلاس میںپاکستانی وفد کی قیادت وزیر اعظم شہباز شریف کریں گے جو پیر کی سہ پہرنیویارک پہنچیںگے۔