اسلام آباد (پاک ترک نیوز ) نیپرا حکام نے قائمہ کمیٹی برائے کابینہ سیکرٹریٹ کو اجلاس میں بتایا ہے کہ چیئرمین نیپرا کی الائونسز سمیت تنخواہ 32 لاکھ روپے ہے۔ سابق قانون کے مطابق چئیرمین نیپرا کی تنخواہ و مراعات 11 لاکھ روپے تھے۔
حکام نیپرا کے مطابق اس اضافے کی منظوری کابینہ سے لینی چاہیے تھی۔ہم نے وفاقی حکومت کو سمری بھجوائی تھی۔
سیکریٹری کابینہ ڈویژن نے کہا سمری بھجوانے کا یہ مطلب نہیں کہ حکومت نے منظوری دے دی۔ کمیٹی نے نیپرا سے نیٹ میٹرنگ کی درخواستوں، گرین میٹرز کی تنصیب اور زیر التوا کیسز کی تفصیلات طلب کر لیں
