کراچی(پاک ترک نیوز ) اسٹیٹ بینک آف پاکستان نے اپنی نئی آفیشل ویب سائٹ متعارف کرادی
نئی ویب سائٹ یکم جولائی 2026 ء کو لائیو کی جائے گی جو www.sbp.org.pk پر دستیاب ہوگی:
اسٹیٹ بینک کے مطابقنئی ویب سائٹ کو جدید، محفوظ اور شمولیتی ڈجیٹل پلیٹ فارم کے طور پر ڈیزائن کیا گیا۔
اسٹیٹ بینک کے مطابق سرچ اور فلٹرنگ آپشنز کے ذریعے ڈیٹا، سرکلرز، ضوابط، مطبوعات، پریس ریلیز اور دیگر مواد تک رسائی کو آسان بنایا گیا ہے۔
ویب سائٹ انگریزی اور اردودونوں زبانوں میں دستیاب ہوگی، خصوصی افراد بھی زیادہ بہتر طریقے سے اسے استعمال کر سکیں گے۔
مرکزی بینک کے مطابق نئی ویب سائٹ مالی خواندگی، مالی شمولیت اور عوامی آگاہی کو فروغ دے گی۔ اسٹیٹ بینک ڈجیٹل انقلاب کے ایجنڈے پر عمل پیرا ہے، نئی ویب سائٹ کا آغاز اس میں ایک اہم سنگِ میل ہے۔
اسٹیٹ بینک کے مطابق جو اسٹیک ہولڈرز ویب سائٹ کے سابقہ انٹرفیس کو دیکھنا چاہیں، ان کی سہولت کے لیے ویب سائٹ کا پرانا ورژن نئے ہوم پیج پر ایک خصوصی لنک کے ذریعے 15 جولائی 2026 ء تک دستیاب رہے گا۔
