راولپنڈی (پاک ترک نیوز )منگی ڈیم پولیس سٹیشن پر دہشت گرد انہ واقعہ کے تسلسل میں پاک فوج ، ایف سی اور بلوچستان پولیس کا آپریشن شبعان جاری ہے۔پانچ جولائی سے آپریشن شبعان اور دیگر انٹیلی جنس بیسڈ آپریشنز میں مجموعی طور پر 75 دہشتگرد جہنم واصل ہو چکے ہیں۔
سکیورٹی ذرائع کے مطابق سکیورٹی فورسز کی جانب سے فتنہ الخوارج کے 26 خوارج کو 6 اور 7 جولائی کو پہلے ہی جہنم واصل کیا جا چکا ہے، آپریشن شبعان کے دوران دشوار گزار پہاڑی علاقوں میں فتنہ الخوارج کے خلاف گھیرا مزید تنگ کر دیا گیا ۔
سکیورٹی ذرائع کے مطابق زمینی اور اور ہوائی ایکشنز کے ذریعے فتنہ الخوارج کے خلاف متعدد کاروائیاں جاری ہے،گزشتہ 24 گھنٹوں کے دوران مزید 13 خارجی دہشتگرد جہنم واصل کئے جا چکے ہیں۔
سکیورٹی ذرائع کے مطابقآپریشن شبعان میں جہنم واصل ہونے والوں کی تعداد مجموعی طور پر 39 ہو گئی ہے، آپریشن شبعان کے علاوہ آج صبح خضدار زیدی کے علاقے میں دہشتگردوں کا پولیس سٹیشن پر حملہ بھی پسپا کر دیا گیا ۔
سکیورٹی ذرائع کے مطابق فوج اور ایف سی کے دستوں کی برق رفتار کارروائی کے ذریعے 8 دہشتگردوں کے جہنم واصل ہونے کی مصدقہ اطلاعات کے مطابق پانچ سے چھ دہشت گردوں کی ہلاکت کی اطلاعات ہیں۔
