اسلام آباد(پاک ترک نیوز) صدر مملکت آصف علی زرداری نے جمہوریہ پولینڈ کے یومِ آزادی کے موقع پر پولینڈ کے صدر کارول ناورو کے نام تہنیتی خط ارسال کیا ہے۔
صدر مملکت نے اپنے خط میں پولینڈ کے صدر اور عوام کو یومِ آزادی کی مبارکباد دیتے ہوئے ان کے لیے نیک تمناؤں کا اظہار کیا ہے۔
یہ بھی پڑھیں: عدلیہ کا آزاد ہونا ضروری ہے، جسٹس جمال مندوخیل
آصف علی زرداری کا کہنا ہے کہ پاکستان اور پولینڈ کے درمیان دیرینہ اور خوشگوار تعلقات قائم ہیں، جو باہمی احترام اور مشترکہ عزم پر مبنی ہیں۔
صدر مملکت نے امید ظاہر کی کہ دونوں ممالک کے درمیان دوطرفہ تعلقات مستقبل میں مزید مستحکم ہوں گے اور باہمی تعاون کو فروغ ملے گا۔
