لاہور(پاک ترک نیوز )لاہور ہائیکورٹ نے بانی پاکستان تحریک انصاف کی بہنوں کی نظر بندی میں توسیع کے خلاف دائر درخواست سماعت کے لیے مقرر کردی۔
درخواست گزار شاہ ریز اور سکینہ نیازی نے اپنے وکیل رانا مدثر عمر ایڈووکیٹ کے توسط سے درخواست دائر کی ہے، جس میں ہوم سیکرٹری، ڈپٹی کمشنر سمیت دیگر متعلقہ حکام کو فریق بنایا گیا ہے۔
درخواست میں مؤقف اختیار کیا گیا ہے کہ بانی پی ٹی آئی کی بہنوں کی تیس روزہ نظر بندی مکمل ہونے کے بعد سات اکتوبر کو ڈپٹی کمشنر نے نظر بندی میں توسیع کا نوٹیفکیشن جاری کیا، جو غیر قانونی ہے۔
یہ بھی پڑھیں: پی سی بی کا پاکستان ویمنز کرکٹ ٹیم کے لیے غیر ملکی ہیڈ کوچ تعینات کرنے کا فیصلہ
درخواست گزاروں کے مطابق تینوں بہنوں کی اہلِ خانہ اور وکیل سے ملاقات بھی نہیں کروائی گئی، جس سے ان کے قانونی حقوق متاثر ہورہے ہیں۔
درخواست میں عدالت سے استدعا کی گئی ہے کہ سات اکتوبر کو جاری کیا گیا نظر بندی میں توسیع کا نوٹیفکیشن غیر قانونی قرار دے کر کالعدم کیا جائے۔
