تربت (پاک ترک نیوز )بلوچستان کے شہر تربت سے تعلق رکھنے والے دو نوجوانوں محمد سہیل بہرام اور محمد عرف مہروان نے کالعدم تنظیم فتنہ الہندوستان سے تعلق ختم کرنے کا اعلان کرتے ہوئے ریاست پاکستان سے وفاداری کا عہد کیا ہے۔
دونوں نوجوانوں نے پریس کانفرنس کرتے ہوئے بتایا کہ سوشل میڈیا کے ذریعے ان کا رابطہ کالعدم تنظیم بی ایل اے کے دہشت گرد ثابت عرف کماندان سے ہوا تھا، جس کے بعد وہ سیکیورٹی فورسز پر حملوں کے لیے تنظیم کی سہولت کاری کرتے رہے۔
یہ بھی پڑھیں: بانی پی ٹی آئی کی بہنوں کی نظر بندی میں توسیع کے خلاف درخواست سماعت کے لیے مقرر
محمد سہیل بہرام اور محمد عرف مہروان نے اپنے ماضی کے کردار پر شرمندگی کا اظہار کرتے ہوئے کہا کہ انہیں ملک سے غداری کرنے اور دہشت گردوں کا ساتھ دینے پر افسوس ہے۔ انہوں نے اعلان کیا کہ آئندہ کسی بھی دہشت گرد تنظیم سے رابطہ نہیں رکھیں گے۔
دونوں نوجوانوں نے نوجوان نسل کو بھی پیغام دیا کہ وہ دہشت گرد تنظیموں کے جھانسے میں نہ آئیں اور ان عناصر سے دور رہیں جو انہیں ریاست اور ملک کے خلاف سرگرمیوں میں استعمال کرنا چاہتے ہیں۔
