اسلام آباد (پاک ترک نیوز )ترجمان دفترِ خارجہ طاہر حسین اندرابی کا کہنا ہے صومالی قزاقوں کی جانب سے اغواء کردہ جہاز اییل کے قریب پُنٹ لینڈ کے ساحل پر لنگر انداز ہو گیا ہے ،صومالیہ کے جنوب مشرقی ساحل کے قریب 21 اپریل کو آئل ٹینکر کو قزاقوں نے اغواء کیا تھا، جس میں پاکستانیوں سمیت 70 افراد سوار تھے۔
ترجمان دفترِ خارجہ کے مطابق عملے کی سلامتی اور جلد وطن واپسی اوّلین ترجیح ہے ۔پاکستانی سفارت خانہ جبوتی نے صومالی حکام سے رابطہ کیا ہے، صومالی وزارتِ خارجہ نے عملے کی حفاظت یقینی بنانے کی یقین دہانی کرائی ہے۔ قزاق جہاز کے مالک سے رابطے میں ہیں اور عملے کی خیریت سے متعلق مثبت اشارے ملے ہیں۔
