لاہور( پاک ترک نیوز) دنیا کی 50قیمتی کمپنیاں کون سی ہیں؟
دنیا کی سب سے زیادہ مارکیٹ ویلیو رکھنے والی 50 کمپنیوں کی نئی درجہ بندی جاری کر دی گئی ، جس کے مطابق مصنوعی ذہانت اور سیمی کنڈکٹرز میں سرمایہ کاری کے باعث ٹیکنالوجی کمپنیاں عالمی اسٹاک مارکیٹ پر چھائی ہوئی ہیں۔
جون 2026 کے اعداد و شمار کے مطابق امریکی چپ ساز کمپنی NVIDIA 4.85 ٹریلین ڈالر کی مارکیٹ ویلیو کے ساتھ دنیا کی سب سے قیمتی کمپنی بن گئی ۔
دوسرے نمبر پر ایپل چار اعشاریہ بتیس ٹریلین ڈالر ،تیسرے نبمر پر گوگل کی بنیادی کمپنی Alphabet۔۔تیسرےنمبر پر ہے،جس کے اثاثے چار اعشاریہ بائیس ٹریلین ڈالر ہیں ۔
فہرست میں مائیکرو سافٹ 2.78 ٹریلین ڈالر کے ساتھ چوتھے، ایمازون 2.52 ٹریلین ڈالر کے ساتھ پانچویں جبکہ تائیوان کی چپ ساز کمپنی ٹی ایس ایم سی دو اعشاریہ دو چھ ٹریلین ڈالر کے ساتھ دنیا کی سب سے قیمتی غیر امریکی کمپنی قرار پائی۔
یہ بھی پڑھیں: پاکستانی شائقین کی گوگل سرچ کے دوران کرکٹ میں دلچسپی بدستور پہلے نمبر پر
جون 2026 میں شیئر مارکیٹ میں شامل ہونے والی خلائی کمپنی سپیس ایکش 2.06ٹریلین ڈالر کی مارکیٹ ویلیو کے ساتھ ساتویں نمبر پر پہنچ گئی، جبکہ براڈ کام آٹھویں، سعودی ارمکو نویں اور جنوبی کوریا کی سام سنگ دسویں نمبر پر موجود ہے
رپورٹ کے مطابق دنیا کی 50 بڑی کمپنیوں میں سے 22 کمپنیاں ٹیکنالوجی کے شعبے سے تعلق رکھتی ہیں، جو اس بات کا واضح ثبوت ہے کہ مصنوعی ذہانت، سیمی کنڈکٹرز اور جدید کمپیوٹنگ میں سرمایہ کاری عالمی معیشت کی سمت متعین کر رہی ہے۔فہرست میں ٹیسلا ،میٹا ،ایس کے ہائنکس اور دیگر بڑی کمپنیاں شامل ہیں ۔
