اسلام آباد انصاف مانگنے آ رہے ہیں، گولی نہیں چلنی چاہیے، بیرسٹر گوہر

اسلام آباد ( پاک ترک نیوز) چیئرمین تحریک انصاف بیرسٹر گوہر خان نے کہا ہے کہ تحریک انصاف کے کارکن پُرامن طریقے سے اسلام آباد آئیں گے، گولی کا وقت اب ختم ہونا چاہیے۔بونیر میں اپنی رہائش گاہ پر میڈیا سے گفتگو کرتے ہوئے بیرسٹر گوہر خان نے کہا کہ ہم جمہوریت اور ملک بچانے کے لیے نکلے ہیں، اسلام آباد انصاف مانگنے آ رہے ہیں۔انہوں نے کہا کہ وزیراعلیٰ خیبر پختونخوا پُرامن اور آئین و قانون کے مطابق عوامی رابطہ مہم چلائیں گے، پنجاب حکومت بالخصوص رانا ثناء اللہ وزیراعلیٰ خیبر پختونخوا کے راستے میں رکاوٹیں نہ ڈالیں۔

یہ بھی پڑھیں: پی ٹی آئی کے 27 ستمبر لانگ مارچ کے خلاف درخواست پر فیصلہ محفوظ

بیرسٹر گوہر خان نے سیاسی کشیدگی کم کرنے کے لیے مفاہمت اور بہتر اقدامات کی ضرورت پر زور دیتے ہوئے بانی پی ٹی آئی سے ملاقات کی اجازت دینے کا مطالبہ بھی کیا۔چیئرمین تحریک انصاف کا کہنا تھا کہ اختلاف رائے کی قدر کرنا جمہوریت کا حصہ ہے، حکومت سخت اقدامات کے بجائے مفاہمت کی طرف بڑھے۔