ایران کو جوہری ہتھیار استعمال نہیں کرنے دیں گے ،امریکی صدر

واشنگٹن ( پاک ترک نیوز) امریکی صدر ڈونلڈ ٹرمپ کا کہنا ہے ایران کو جوہری ہتھیار حاصل نہیں کرنے دیں گے۔ ایران کی فوجی طاقت کو تباہ کر دیا ۔
سمندر میں 159 ایرانی جہاز ڈبو دیے گئے ۔ایران کے پاس کوئی فضائیہ ،بحریہ، ریڈار نہیں ہیں ،،توقع ہے ایران جنگ ختم ہونے پر تیل کی قیمتیں نیچے آئیں گی۔
ایران کو ایسے مسائل کا سامنا کرنا پڑے گا جن کا وہ تصور بھی نہیں کر سکتا جبکہ امید ظاہر کی کہ ایران سے متعلق تنازع ختم ہونے کے بعد تیل کی قیمتوں میں کمی آئے گی۔،وائٹ ہاؤس میں تقریب سے خطاب میں ڈونلڈ ٹرمپ نےکہا کہ وہ ایران کے ساتھ جنگ کی حمایت نہیں کرتے،انہیں جنگیں پسند نہیں ہیں۔
فاکس نیوز سے انٹرویو میں امریکی صدر نے آبنائے ہرمز میں سات ایرانی کشتیاں تباہ کرنے کا دعویٰ کیا،، ایران کو صفحہ ہستی سے مٹانے کی دھمکی بھی دے ڈالی،، کہا، ایران نے پراجیکٹ فریڈم پر کام کرنے والے جہازوں پر حملہ کیا تو برداشت نہیں کریں گے، ایسا ہوا تو ایران کو زمین پر سے ختم کر دیں گے،امریکی صدر نے چینی صدر سے ملاقات کی خواہش کا اظہار کرتے ہوئے کہا کہا کہ ان کا ممکنہ دورہ چین انتہائی اہم ہو گا۔ ٹرمپ نے داخلی معاملات پر بھی اظہار خیال کرتے ہوئے سپریم کورٹ کے ٹیرف سے متعلق فیصلے کو تنقید کا نشانہ بنایا اور اسے بیکار فیصلہ قرار دیا۔