اسلام آباد میں مارگلہ روڈ کو موٹر وے تک براہ لنک کرنے کا منصوبہ ،وزیر داخلہ کا پراجیکٹ کا دورہ

اسلام آباد ( پاک ترک نیوز) اسلام آباد میں مارگلہ روڈ کو موٹروے تک براہ راست لنک کرنے کے میگا پراجیکٹ پر کام جاری ہے۔
دو اعشاریہ سات کلو میٹر شاہرہ تین رویہ ہو گی ، جی ٹی روڈ پر انٹرچینج، دو انڈر پاس اور ایک پل بھی بنے گا۔وزیر داخلہ محسن نقوی نے میگا منصوبے کا دورہ کیا اور تعمیراتی سرگرمیوں کا معائنہ کیا ۔
وزیر داخلہ نے منصوبے میں شامل جی ٹی روڈ پر سنگجانی انٹرچینج کو 31 جولائی تک مکمل کرنے کی ہدایت کر دی ،کہا یہ منصوبہ اسلام آباد اور موٹروے کے درمیان ایک متبادل، تیز اور آسان راستہ فراہم کرے گا،ٹریفک کے دباؤ میں نمایاں کمی اور سفر کا دورانیہ کم ہوگا۔
محسن نقوی نے منصوبے کو مقررہ مدت میں مکمل کرنے کی ہدایت کر دی ،بولے ہر منصوبے میں معیار، شفافیت اور رفتار کو یقینی بنایا جا رہا ہے،شہریوں کو بہتر اور تیز ترین سفری سہولتیں فراہم کرنا حکومت کی اولین ذمہ داری ہے، اس منصوبے کے 2.5 کلومیٹر طویل دوسرے حصے پر کام پنجاب حکومت کی جانب سے مکمل کیا جائے گا۔