لاہور( پاک ترک نیوز) یونیورسٹی آف انجینئرنگ اینڈ ٹیکنالوجی لاہور نے دوسری میرٹ لسٹ میں منتخب امیدواروں کے لیے اہم اعلان کردیا۔
یونیورسٹی کے مطابق دوسری میرٹ لسٹ میں منتخب امیدوار 12 اگست 2026 تک اپنا داخلہ مکمل کرلیں، آج داخلہ محفوظ کرنے کی آخری تاریخ ہے۔
منتخب امیدواروں کو ہدایت کی گئی ہے کہ وہ اپنے آفر لیٹرز کا بغور جائزہ لیں اور مقررہ وقت سے پہلے تمام مطلوبہ دستاویزات کے ہمراہ یونیورسٹی پہنچیں۔
امیدواروں کے لیے مقررہ داخلہ فیس اور دیگر واجبات کی ادائیگی بھی لازمی قرار دی گئی ہے۔
یونیورسٹی انتظامیہ کے مطابق جو امیدوار مقررہ تاریخ تک واجبات ادا نہیں کریں گے یا مطلوبہ دستاویزات جمع نہیں کرائیں گے، ان کے نام داخلہ عمل سے خارج کردیے جائیں گے۔
یہ بھی پڑھیں: امریکی محکمہ خارجہ ہر ماہ 10ہزار غیرملکیوں کے ویزے منسوخ کر رہا ہے
ایسے امیدواروں کو آئندہ میرٹ لسٹوں میں بھی داخلے کے لیے زیرِ غور نہیں لایا جائے گا۔
منتخب امیدواروں کو ہدایت کی گئی ہے کہ وہ آخری تاریخ کا انتظار کرنے کے بجائے بروقت داخلہ مکمل کریں۔
