لاہور( پاک ترک نیوز) یونیورسٹی آف انجینئرنگ اینڈ ٹیکنالوجی میں فال 2026 کے پوسٹ گریجویٹ پروگرامز میں داخلوں کے لیے ٹیسٹ کا آغاز آج سے ہوگا۔
یو ای ٹی انتظامیہ کے مطابق ایم ایس سی، ایم ایس، ایم فل، ماسٹرز اور پی ایچ ڈی پروگرامز میں داخلے کے خواہشمند امیدواروں کے ٹیسٹ 17 اگست 2026 بروز پیر سے شروع ہوں گے اور مختلف پروگرامز کے لیے ٹیسٹ شیڈول کے مطابق جاری رہیں گے۔
یونیورسٹی انتظامیہ نے امیدواروں کو ہدایت کی ہے کہ وہ اپنے متعلقہ ٹیسٹ کا شیڈول احتیاط سے چیک کریں اور مقررہ تاریخ اور وقت کے مطابق امتحان میں شرکت کے لیے ضروری انتظامات مکمل کریں۔
یہ بھی پڑھیں: پنجاب میں اسکول کب کھلیں گے ،تاریخ سامنے آ گئی
انتظامیہ کے مطابق امیدوار یو ای ٹی ایڈمیشنز ویب سائٹ کے ڈاؤن لوڈز سیکشن میں جاکر اپنے متعلقہ پروگرام کا ٹیسٹ شیڈول دیکھ اور تصدیق کرسکتے ہیں۔
