مظفر آباد ( پاک ترک نیوز) آزاد کشمیر میں انٹرنیٹ سروسز کی بحالی کا عمل شروع ہوگیا،حکومت نے 31 اگست سے 8 اضلاع میں مرحلہ وار انٹرنیٹ بحال کرنے کا فیصلہ کیا ہے۔محکمہ داخلہ آزاد کشمیر کے مطابقانٹرنیٹ سروسز کی بحالی کے لیے وفاقی وزارت داخلہ کو باضابطہ درخواست بھیجی گئی تھینوٹیفکیشن کے مطابق مظفرآباد ڈویژن کے مختلف علاقوں میںڈی ایس ایل اور تھری جی، فور جی سروسز بحال کرنے کا فیصلہ کیا گیا ہے۔
مظفرآباد ضلع میں انٹرنیٹ سروسصرف تعلیمی اداروں اور بینکوں کے لیے ڈی ایس ایل تک محدود رہے گی۔باغ شہر اور دھیرکوٹ میں بھی تعلیمی اداروں اور بینکوں کے لیے محدود ڈی ایس ایل سروس بحال کی جائے گی۔حویلی کہوٹہ میں ڈی ایس ایل کے ساتھ تھری جی اور فور جی سروس بھی بحال ہوگی۔میرپور اور بھمبر کے مکمل اضلاع میں ڈی ایس ایل انٹرنیٹ سروس دستیاب ہوگی،جبکہ کوٹلی میں تعلیمی اداروں اور بینکوں کے لیے ڈی ایس ایل بحال کیا جائے گا۔ تاہم سہنسہ، سرساوہ، بلوچ اور تتہ پانی میںڈی ایس ایل سروس بحال نہیں ہوگی،جبکہ راولاکوٹ اور سدھنوتی میں فی الحال انٹرنیٹ سروس بحال نہیں کی جائے گی۔
یہ بھی پڑھیں: امریکا کا ایران کے لارک جزیرے پر فضائی حملہ، تہران کی اردن میں جوابی کارروائی
حکومت نے تعلیمی اداروں کے سربراہان اور بینک برانچز کے ذمہ داران کو حلف نامے جمع کرانے کی ہدایت بھی کی ہے۔حلف نامے میں یقین دہانی کرائی جائے گی کہانٹرنیٹ کنکشن ریاستی مفادات، قومی سلامتی اور عوامی نظم کے خلاف استعمال نہیں ہوگا۔حکومت کے مطابق آئندہ انٹرنیٹ کی بندش کا فیصلہ سوشل میڈیا صارفین کے رویے اور حالات کو مدنظر رکھتے ہوئے کیا جائے گا۔
