صنعا(پاک ترک نیوز )سعودی اتحادی افواج نے یمن کے شمال مغربی صوبے صعدہ میں حوثیوں کے دو بیلسٹک میزائل لانچنگ پیڈز تباہ کر دیے۔
اتحادی افواج کے ترجمان کے مطابق حوثیوں نے انہی لانچنگ پیڈز سے آج سعودی دارالحکومت ریاض پر میزائل حملے کیے تھے، جس کے بعد کارروائی کرتے ہوئے دونوں لانچنگ پیڈز کو نشانہ بنایا گیا۔
دوسری جانب امریکی فوج نے بحیرہ عمان میں ایک تجارتی مال بردار جہاز کو حملے کے ذریعے ناکارہ بنا دیا۔
امریکی مرکزی کمان کے مطابق جہاز کے شہری عملے نے متعدد مرتبہ دی گئی وارننگز کو نظر انداز کیا اور ایران کے خلاف عائد بحری ناکہ بندی کی خلاف ورزی کی کوشش کی۔
یہ بھی پڑھیں: عمران خان اور بشریٰ بی بی کی جیل میں طبی معائنہ
بیان میں کہا گیا کہ مال بردار جہاز ایرانی بندرگاہ کا دورہ کرنے کے بعد وہاں سے نکلنے کی کوشش کر رہا تھا، جس پر امریکی فوج نے کارروائی کی۔
