وزیراعظم شہباز شریف سے ٹرمپ کے مشیر کی ملاقات

انا طولیہ (پاک ترک نیوز ) وزیراعظم شہباز شریف سے امریکی صدر ڈونلڈ ٹرمپ کے سینئیر مشیر مسعد بولس نے ملاقات کی ہے ،ملاقات انا طولیہ سفارتکاری فورم کے موقع پر ہوئی۔وزیراعظم نے امریکی صدر ڈونلڈ ٹرمپ کے لئے نیک خواہشات کا اظہار کیا۔وزیراعظم نے امریکی صدر کے ساتھ اپنے خوشگوار رابطوں کا تذکرہ کیا۔وزیراعظم شہباز شریف نے گزشتہ برس پاک بھارت تنازعے کے خاتمے میں امریکی صدر کی قائدانہ رہنمائی کو سراہا۔شہبازشریف نے لبنان میں ہونے والی جنگ بندی میں امریکی صدر کے کردار کی ستائش کی،دونوں رہنماؤں نے مشرق وسطیٰ کے تنازعے کے تناظر میں موجودہ صورتحال پر تبادلہ خیال کیا ۔پاکستان کی جانب سے جنگ بندی کے قیام اور امن کے لئے کی جانے والی کاوشیں زیر غور آئیں ،وزیراعظم نے پاک امریکا دو طرفہ تعلقات کو مزید مضبوط کرنے پر زور دیا۔وزیراعظم نے تجارت، سرمایہ کاری اور عالمی سفارتکاری کے تناظر میں دو طرفہ تعلقات مضبوط بنانے کے عزم کا اعادہ کیا،مسعد بولس نے امریکی صدر کی جانب سے تہنیتی پیغام وزیراعظم کو پہنچایا،سینئیر مشیر نے پاکستان کی قیام امن کی کوششوں کو سراہا۔انسداد دہشتگردی، اقتصادی ترقی کے باہمی فایدہ مند شعبوں میں دو طرفہ تعلقات مضبوط بنانے کے لئے امریکہ کے عزم کا اعادہ بھی کیا