لاہور( پاک ترک نیوز) سہ ملکی سیریز میں پاکستان کے انگلینڈ کیخلاف 242رنز کے ہدف کے تعاقب میں 31رنز پر 3کھلاڑی پویلین لوٹ گئے ۔
تفصیلات کے مطابق لاہور کے قذافی سٹیڈیم میں سہ ملکی سیریز میں انگلینڈ نے پاکستان کیخلاف پہلے بیٹنگ کرتے ہوئے پوری ٹیم کے نقصان پر 241رنز بنائے تھے ۔
پاکستان کی ہدف کے تعاقب میں بیٹنگ لائن ایک بار پھر دھوکہ دے گئی ۔ صائم ایوب 6،فخر زمان 10اور بابراعظم بھی 10رنزکے ہی مہمان ثابت ہوئے ۔
انگلینڈ کی جانب سے اتھکسن نے 2جبکہ ہینری نے ایک وکٹ حاصل کی ۔
اس سے قبل انگلینڈ کی پوری ٹیم 241رنز ہی بنا سکی ۔ انگلینڈ کی جانب سے بین ڈکٹ نے 105جبکہ سیم کرن نے 36رنز سکور کئے ۔
یہ بھی پڑھیں: عمان سے ایل پی جی کے 2 جہاز پورٹ قاسم پہنچ گئے، قیمتوں میں کمی متوقع
پاکستان کی جانب سے کپتان شاہین آفریدی نے 4جبکہ رضا اللہ اور عرفات منہاس نے دو کھلاڑیوں کو پویلین کی راہ دکھائی ۔
واضح رہے کہ سیریز میں پاکستان اپنے پہلے دونوں میچز میں کامیابی سمیٹ چکا ہے اور فائنل معرکہ میں جگہ بھی پکی کر چکا ہے ۔ سہ ملکی سییریزکا فائنل 31اکتوبرکو کھیلا جائے گا ۔
