ٹک ٹاکر فضیلہ عباسی کی گرفتاری رک گئی

اسلام آباد (پاک ترک نیوز )اسپیشل عدالت سینٹرل نے پولیس کو ٹک ٹاکر ڈاکٹر فضیلہ عباسی کی گرفتاری سے بیس اپریل تک روک دیا ۔
ٹک ٹاکر ڈاکٹر فضیلہ عباسی کیخلاف منی لانڈرنگ، و غیر قانونی کلینک کے کیس میں عبوری ضمانتوں میں بیس اپریل تک توسیع کر دی گئی۔ڈاکٹر فضیلہ عباسی کیجانب حمزہ علی عباسی کیساتھ جوائنٹ اکاؤنٹ ری اوپن کرنے کی درخواست دائر کی گئی ہے ،ایف آئی اے نے منی لانڈرنگ کیس میں مقدمہ کا چالان جمع کروا دیا،اسپیشل جج سنٹرل ہمایوں دلاور نے کیس پر سماعت کی۔
پراسیکیوٹر کے مطابق ڈاکٹر فضیلہ عباسی کیجانب سے تحریری جواب آیا ہے خود پیش نہیں ہوئیں، فضیلہ عباسی نے کہا جج صاحب میں کئی بار پیش ہوئی ہوں ،نعیم بخاری نے کہا عدالت نے ہماری ضمانت اس بنیاد پر خارج کی کہ ہم ضمانت کا غلط استعمال کررہے ہیں،جب ہم ہائیکورٹ گئے تو جسٹس صاحب نے کہا ضمانت کا کوئی مس یوز نہیں ہوا،عدالت نے کیسز کی سماعت 20 اپریل تک ملتوی کردی۔