اسلام آباد ( پاک ترک نیوز) اسلام آباد ( پاک ترک نیوز) ملک بھر میں میڈیکل اینڈ ڈینٹل کالجز میں داخلے کیلئے ہونیوالے امتحان ایم ڈی کیٹ (MDCAT) میں گزشتہ پانچ سالوں کے دوران امیدواروں کی تعداد میں 31فیصد کمی دیکھنا میں آئی ہے ۔رواں برس ایم ڈی کیٹ میں ملک بھر سے ایک لاکھ 38ہزار 158امیدواروں نے ٹیسٹ دیا ۔ اس سے قبل 2022میں 2لاکھ 4ہزار جبکہ 2023میں یہ تعداد ایک لاکھ 80ہزار تھی۔
یہ بھی پڑھیں: سی ایس ایس امتحان کی عمر کی حد اور مواقع بڑھانے کی سفارش مسترد
اسی طرح 2024کے دوران ایک لاکھ 67ہزار امیدواروں نے امتحان میں حصہ لیا تھا ۔ایم ڈی کیٹ کے 2025کے امتحان کے دوران ایک لاکھ 40ہزار 125امیدواروں نے حصہ لیا تھا ۔
واضح رہے کہ پاکستان میڈیکل اینڈ ڈینٹل کونسل کے تحت ملک بھر کے سرکاری و نجی میڈیکل اور ڈینٹل کالجز میں مجموعی طور پر تقریباً 22 ہزار سیٹیں دستیاب ہیں۔ ان میں سے سرکاری میڈیکل و ڈینٹل کالجز کی سیٹوں کی تعداد تقریباً چار سے پانچ ہزار کے درمیان ہے جن پر سب سے زیادہ مقابلہ ہوتا ہے۔
