سعودی عرب پہنچنے والے سرکاری عازمین کی تعداد 61,147 ہو گئی

اسلام آباد (پاک ترک نیوز ) پاکستان سے سعودی عرب پہنچنے والے سرکاری عازمین کی تعداد 61,147 ہو گئی ،ترجمان وزارت مذہبی امور کے مطابق چوبیس گھنٹوں کے دوران مزید 4,875 پاکستانی عازمین حجازِ مقدس پہنچے ہیں, مکہ مکرمہ میں 56,408 عازمین قیام پذیر ہیں،مدینہ منورہ سے اب تک 30,477 عازمین مکہ پہنچ چکے ہیں۔
ترجمان کے مطابق پاکستان سے جدہ 103 اور مدینہ منورہ 141 حج پروازیں آپریٹ کی جا چکی ہیں ،حجاج کی خدمت کے لیے 1,288 خدام معاونین حج تعینات ہیں، مدینہ منورہ میں اب تک 25,782 پاکستانی عازمین کو ریاض الجنہ کی زیارت کرائی گئی۔