تل ابیب ( پاک ترک نیوز) بظاہر میڈیا کو کنٹرول کر کے اسرائیل میں کم تباہی دکھانے والے وزیرِاعظم نیتن یاہو کی جانب سے چھپائی گئی حقیقت اب کھل کر سامنے آ گئی ہے۔ غصے سے بھرے اسرائیلی میئر نے کہا کہ اس تباہی کی ذمہ داری لینے والا کوئی نہیں۔ انہوں نے کہا کہ اسرائیل کا ایک شہر مکمل طور پر تباہ ہو چکا ہے اور حزب اللہ جیت چکی ہے۔
یہ بھی کہا گیا کہ دو تہائی شہری اپنے گھروں کو چھوڑ چکے ہیں۔ سڑکوں پر گڑھے پڑے ہیں، کوئی مرمت کرنے والا نہیں، اور شہریوں کو کسی قسم کا تحفظ حاصل نہیں۔
غصے میں بھرے میئر نے ایک بار پھر کہا کہ حزب اللہ جیت چکی ہے اور حکومت حقیقت چھپا رہی ہے۔
اسرائیلی میئر نے مزید کہا کہ اگر اسرائیل کا ایک شہر تباہ ہو جائے اور دس ہزار شہری آج رات ہی علاقہ چھوڑ دیں تو کیا آپ چاہتے ہیں کہ وہ ایک ماہ یا اس سے بھی زیادہ وہاں ٹھہرے رہیں جیسا کہ آپ خود کہہ رہے ہیں؟ کیا وہ رکیں گے؟ ہر دس منٹ بعد انہیں شیلٹر میں پناہ لینا پڑتی ہے، ہر لمحہ گولہ باری ہو رہی ہے۔
