کراچی(پاک ترک نیوز ) پاکستان سٹاک مارکیٹ میں مثبت رجحان کا سلسلہ بدستور برقرار ہے۔
تفصیلات کے بھی کاروباری ہفتے کے تیسرے روز بھی کاروبار کے آغاز پر ہی سٹاک ایکسچینج میں زبردست تیزی دیکھنے میں آئی، ہنڈرڈ انڈیکس ایک لاکھ 51 ہزار پوائنٹس کی حد بھی عبور کر گیا۔
کاروبار کے دوران 1200 سے زائد پوائنٹس کے اضافے کے ساتھ سٹاک مارکیٹ میں انڈیکس ایک لاکھ 51 ہزار 049 پوائنٹس کی بلند ترین سطح پر پہنچ گیا ہے۔
خریداری میں نمایاں دلچسپی آٹوموبائل اسمبلرز، کمرشل بینکوں، پاور جنریشن اور ریفائنری سمیت اہم شعبوں میں دیکھی گئی، جبکہ این بی پی، ایم ای بی ایل، حبکو، اے آر ایل، پی آر ایل اور بی او پی کے شیئر مثبت زون میں ٹریڈ ہوئے۔
یاد رہے کہ گزشتہ کاروباری روز کے اختتام پر ہنڈرڈ انڈیکس ایک لاکھ 49 ہزار 770 پوائنٹس کی سطح پر بند ہوا تھا۔
پاکستان سٹاک مارکیٹ میں انڈیکس ایک لاکھ 51ہزار کی تاریخی حد بھی عبور کرگیا
