تہران ( پاک ترک نیوز) ایران میں سات لاکھ سے خاموش آتش فشاں میں بیدار ہونے لگا ،ایران کے جنوب مشرق میں واقع ماونٹ تفتان کے نیچے بڑھتا ہوا دباؤ ماہرین کے لیے ایک نیا الرٹ بن گیا ہے۔ سیٹلائٹ ڈیٹا نے ایسی تبدیلی پکڑی ہے جو مستقبل میں کسی بڑے واقعے کا پیش خیمہ بھی ہو سکتی ہے۔
ایران کے جنوب مشرق میں واقع ماؤنٹ تفتان میں معمولی سی زمینی اُبھار نے ماہرین کو چونکا دیا ہے۔ کیا یہ ایک بڑے خطرے کی شروعات ہے؟ آئیے جانتے ہیں اس اہم تحقیق کی تفصیل۔
ایران کے جنوب مشرق میں واقع نو سے دس ماہ کے دوران ماونٹ تفتان کی سطح بلند ہو گئی ، بظاہر یہ معمولی تبدیلی لگتی ہے، مگر ماہرین کے مطابق یہ ایک بڑی اندرونی سرگرمی کا اشارہ ہے۔
زمین کا ابھار آتش فشاں کے عین اوپر مرکز میں دیکھا گیا ،یہ عمل دس ماہ جاری رہا اور ابھی تک واپس نہیں آیااس کا مطلب ہے کہ اندرونی دباؤ اب بھی موجود ہے
ماہرین کے مطابق دباو 490 سے 630 میٹر کی گہران میں پیدا ہو رہا ہے جو ہائیڈرو تھرمل سسٹم (گرم پانی اور گیسوں کا نظام) کی نشاندہی کرتا ہے۔
یہ دباو پگھلا ہوا لاوا نہیں بلکہ گیسز کے جمع ہونے سے پیدا ہو رہا ہے ،یعنی ابھی فوری آتش فشانی دھماکے کا خطرہ کم ہے، مگر صورتحال کو نظر انداز نہیں کیا جا سکتا۔
آتش فشاں کے اندر عام طور پر تین لیئرز ہوتی ہیں ، جن میں گہرا میگما ریزروائر، گیس اور گرم پانی کا نظام شامل ہے۔
