مظفر آباد ( پاک ترک نیوز) آزاد کشمیر میں مسلم کانفرنس اور استحکام پاکستان پارٹی کے انتخابی اتحاد کو پہلا بڑا دھچکا لگ گیا ، حلقہ ایل اے-14 غربی باغ دھیرکوٹ سے آئی پی پی امیدوار راجہ فہیم فاروق کا سردار عتیق احمد خان کی حمایت سے انکار کر دیا۔
ذرائع کے مطابق راجہ فہیم فاروق نے اتحاد کے فیصلے کو مسترد کرتے ہوئے حتمی اعلان سے قبل قریبی ساتھیوں اور پارٹی رہنماؤں سے مشاورت شروع کر دی،راجہ فہیم فاروق آئندہ چند روز میں عوامی دست و بازو کے چیئرمین سردار ساجد اقبال عباسی یا مسلم لیگ (ن) کے امیدوار راجہ فیصل آزاد کی حمایت کا اعلان کر سکتے ہیں۔
ذرائع کے مطابق حلقہ غربی باغ میں پہلے ہی سردار عتیق احمد خان اور سردار ساجد اقبال عباسی کے درمیان سخت مقابلے کی توقع ہے،سردار ساجد اقبال عباسی، سردار عتیق احمد خان کے متعدد قریبی ساتھیوں کو اپنی جماعت میں شامل کر چکے ہیں۔
یہ بھی پڑھیں: امریکہ کے ایران پر مسلسل تیرہویں رات حملے
ذرائع کے مطابق آئی پی پی سے اتحاد کے فوری بعد پیدا ہونے والی صورتحال نے سردار عتیق احمد خان کی مشکلات میں مزید اضافی کر دیا،مسلم کانفرنس اور آئی پی پی کے اتحاد کے بعد حلقہ غربی باغ کی انتخابی صورتحال مزید دلچسپ اور غیر یقینی ہو گئی۔راجہ فہیم فاروق کے مکمہ فیصلے پر حلقہ غربی باغ سردار عتیق احمد خان کی مشکلات میں مزید اضافی ہونے کا امکان ہے۔
