اسلام آباد ( پاک ترک نیوز) پاکستان تحریک انصاف کی مرکزی اور صوبائی قیادت کا اہم اجلاس ہوا، جس میں احتجاج اور لانگ مارچ کی آئندہ حکمت عملی پر غور کیا گیا۔پارٹی قیادت نے احتجاج ایک ہفتے کے لیے مؤخر کرنے کے معاملے پر کارکنوں کو اعتماد میں لینے کے لیے پارلیمانی پارٹی کو ہدایات جاری کردیں۔پارٹی قیادت کے مطابق تمام ارکان اسمبلی کارکنوں کو احتجاج مؤخر کرنے کی وجوہات سے آگاہ کریں اور انہیں موجودہ حکمت عملی کے بارے میں اعتماد میں لیں۔
اجلاس میں پارٹی قیادت نے کہا کہ لانگ مارچ کسی صورت ختم نہیں کیا جاسکتا، 4 اکتوبر کو ملک بھر سے قافلے نکلیں گے۔پارٹی قیادت کا کہنا تھا کہ کارکنوں کو بتایا جائے کہ لانگ مارچ کی تاریخ ایک ہفتے آگے بڑھانا سیاسی حکمت عملی کا حصہ ہے۔اجلاس میں مؤقف اختیار کیا گیا کہ 27 ستمبر کے بجائے تاریخ آگے بڑھانے سے حکومت پر زیادہ دباؤ آئے گا۔پارٹی قیادت نے کہا کہ لانگ مارچ ایک یا دو دن کی سرگرمی نہیں، اسے ٹیسٹ میچ کی طرح طویل حکمت عملی کے ساتھ کھیلا جائے گا۔
یہ بھی پڑھیں: وزیراعظم کا دورہ امریکا مکمل ،لندن پہنچ گئے
اجلاس میں فیصلہ کیا گیا کہ اگلا لائحہ عمل 4 اکتوبر سے دو یا تین روز قبل جاری کیا جائے گا۔پارٹی قیادت نے کارکنوں کو ہدایت کی کہ وہ اپنی تیاریاں جاری رکھیں اور آئندہ اعلان کے لیے تیار رہیں
