لاہور ( پاک ترک نیوز) پنجاب حکومت نے طلبا کے لیے پھر آسان اقساط پر ای بائیکس متعارف کرانے کا فیصلہ کر لیا ، ایک سال میں ایک لاکھ ای بائیکس دی جائیں گی ۔۔ پنجاب حکومت ہر ای بائیک پر 70 ہزار روپے کی سبسڈی دے گی۔
طلبہ کو ای بائیکس کے لیے 14ہزار روپے ڈاؤن پے منٹ کرنی ہو گی، ماہانہ اکیس سو روپے سود فری قسط ہو گی۔ طالبات کی ای بائیکس کی ڈاون پیمنٹ اور رجسٹریشن فیس وزیر اعلی مریم نواز شریف خود کریں گی۔ پنجاب کے سرکاری ملازمین بھی آسان اقساط پر ای بائیکس حاصل کر سکیں گے۔
،پنجاب میں مزید الیکٹرک بسیں ،ای ٹیکسیاں ،ای بائیکس ،ای تھری وہیلرز متعارف کرانے کا فیصلہ ، گوجرانوالہ، گجرات،راولپنڈی، ملتان، ساہیوال، بہاولپور، ڈی جی خان، فیصل آباد، سرگودھا ڈویژنز کی 91 تحصیلیں میں 1500 بسیں چلائی جائیں گی۔
پہلے فیز میں پنجاب کی 91 تحصیلوں میں 1500 بسیں چلائی جائیں گی ۔ وزیراعلیٰ پنجاب کی زیر صدارت اجلاس میں گوجرانوالہ،فیصل آباد ماس ٹرانزٹ،ای ٹیکسیز ،لاہور ایس آر ٹی ،الیکٹرک بائیکس، کمانڈ کنٹرول سینٹر اور مری گلاس ٹرین منصوبے پر بریفنگ دی گئی۔
یہ بھی پڑھیں: جعلی رسید نہیں ،اصل ٹیکس ،پنجاب میں ٹیکس چوروں کے گرد گھیرا تنگ
وزیر اعلی مریم نواز شریف نے کوٹ ادو،تلہ گنگ،تونسہ شریف میں الیکٹرک بس لانچ کو بھی فوری بھیجنے کا حکم دے دیا ۔ وہاڑی، لودھراں میں بھی بس چلانے اور وہاڑی، لودھراں اور ننکانہ میں الیکٹرک بسز کی تعداد بڑھانے کا حکم دیا گیا۔
وزیراعلیٰ پنجاب مریم نواز کا کہنا ہے5 سالوں میں 5 ہزار الیکٹرک بسیں دوڑیں گی ،پنجاب اب بسیں چلا نہیں رہا ،بنا بھی رہا ہے۔
