راولپنڈی ( پاک تر ک نیوز) خیبرپختونخوا میں فتنہ الخوارج کے دہشت گردوں کے خلاف سیکیورٹی فورسز کی کارروائیاں جاری ہیں، شمالی وزیرستان میں انٹیلی جنس بنیاد پر کیے گئے آپریشن کے دوران 8 دہشت گرد ہلاک ہوگئے۔سیکیورٹی ذرائع کے مطابق فورسز نے دہشت گردوں کے ٹھکانوں کو مؤثر کارروائی کے دوران مکمل طور پر تباہ کردیا۔ہلاک دہشت گردوں کے قبضے سے بھاری مقدار میں اسلحہ، گولہ بارود اور دیگر سامان بھی برآمد ہوا ہے۔سیکیورٹی ذرائع کا کہنا ہے کہ کارروائی کے دوران خوارج نے سیکیورٹی فورسز سے بچنے کے لیے مسجد کو بطور ڈھال استعمال کرنے کی کوشش کی۔
یہ بھی پڑھیں: اے آئی سے باپ کو زہر دینے کا طریقہ پوچھنے والا 17 سالہ نوجوان گرفتار
فورسز نے مسجد کے تقدس کو ملحوظ خاطر رکھتے ہوئے انتہائی مہارت اور احتیاط سے دہشت گردوں کو نشانہ بنایا۔سیکیورٹی فورسز نے خیبرپختونخوا سے فتنہ الخوارج کے دہشت گردوں کے مکمل خاتمے کے عزم کا اعادہ کیا ہے
