دوسرا ٹیسٹ :پاکستانی بیٹنگ لائن بنگلہ دیش کیخلاف پہلی اننگز میں مشکلات کا شکار

سلہٹ ( پاک ترک نیوز) پاکستان اور بنگلہ دیش کے درمیان جاری دو میچوں کی سیریز کے دوسرے اورآخری ٹیسٹ میچ کی پہلی اننگز میں پاکستانی بیٹنگ لائن مشکلات کا شکار ہو گئی ۔
تفصیلات کے مطابق سلہٹ میں جاری دوسرے ٹیسٹ میچ میں پاکستان کی بیٹنگ لائن ایک بار پھر دھوکہ دے گئی ۔ بنگلہ دیش کے 278رنز کے جواب میں پاکستانی ٹیم نے 7وکٹوں کے نقصان پر 174رنز بنائے ہیں اور اسے 104رنز کے خسارے کا سامنا ہے ۔
پاکستان کی جانب سے پہلی اننگز میں بابراعظم 68،شان مسعود 21جبکہ سلمان آغا بھی 21رنز بنا کر پویلین لوٹ گئے ۔
بنگلہ دیش کی جانب سے تیج الاسلام نے تین جبکہ ناہید رانا نے دو کھلاڑیوں کو آئوٹ کیا ۔
اس سے قبل بنگلہ دیش نے پہلی اننگز میں 278رنز بنائے تھے ۔
واضح رہے کہ دو میچوں پر مشتمل سیریز میں بنگال ٹائیگرز کو ایک صفر کی ناقابل شکست برتری حاصل ہے اور شاہین پہلی بار بنگلہ دیش کی سرزمین پر ٹیسٹ میچ ہارے ہیں ۔