اسلام آباد ( پاک ترک نیوز) جولائی کے دوران پاکستان میں ترسیلاتِ زر 3 ارب 60 کروڑ ڈالر ریکارڈ کی گئیں۔اسٹیٹ بینک کے مطابق ترسیلاتِ زر میں سالانہ بنیاد پر 13 فیصد جبکہ ماہانہ بنیاد پر 4.5 فیصد اضافہ ہوا۔
جولائی میں سعودی عرب سے پاکستانیوں نے 91 کروڑ 39 لاکھ ڈالر کی ترسیلاتِ زر پاکستان بھیجیں، جو مجموعی ترسیلات میں سب سے بڑا حصہ ہے۔متحدہ عرب امارات سے 73 کروڑ 7 لاکھ ڈالر جبکہ برطانیہ سے 55 کروڑ 55 لاکھ ڈالر موصول ہوئے۔
یہ بھی پڑھیں: لاہور میں ٹاپ 100 ای چالان نادہندگان کے خلاف کریک ڈاؤن
اسٹیٹ بینک کے مطابق امریکا سے پاکستانیوں نے 31 کروڑ 72 لاکھ ڈالر کی ترسیلاتِ زر پاکستان بھیجیں۔سعودی عرب بدستور ترسیلاتِ زر بھیجنے والے ممالک میں سرفہرست رہا۔
