راولپنڈی ٹیسٹ : پہلے دن کے اختتام پر پاکستان کے 5وکٹوں پر 259رنز

راولپنڈی ( پاک ترک نیوز) پاکستان اور سائوتھ افریقہ کے درمیان میچوں پر مشتمل سیریز کے دوسرے ٹیسٹ میچ میں پہلے دن کے اختتام پر پاکستان نے 5وکٹوں کے نقصان پر 259رنز بنا لئے ۔
راولپنڈی میں کھیل جا رہے دوسرے ٹیسٹ میچ میں پاکستان نے ٹاس جیت کر پہلے بیٹنگ کا فیصلہ کیا ۔ پاکستان کی جانب سے امام الحق اور عبداللہ شفیق نے اننگز کا آغاز کیا ۔ امام الحق 17رنز بنا کر ہیمر کا شکار بنے ۔ اس وقت پاکستان کا مجموعی سکور 35تھا ۔کپتان شان مسعود اورعبداللہ شفیق نے اننگز کو آگے بڑھایا اور پاکستان کا سکور 146رنز پر پہنچا دیا جہاں عبداللہ شفیق 57رنز بنا کر پویلین لوٹ گئے ۔ تیسرے آئوٹ ہونیوالے بلے باز بابراعظم تھے جنہوں نے صرف 16رنز سکور کئے۔ چوتھی وکٹ شان مسعود کی گری وہ 85رنز بنا کر آئوٹ ہوئے ۔ پہلےدن کے اختتام سے قبل آخری آئوٹ ہونیوالے کھلاڑی محمد رضوان تھے جنہوں نے 19رنز بنائے تھے ۔
سعود شکیل 42جبکہ سلمان علی آغا 10رنز کر ساتھ وکٹ پر موجود تھے ۔
جنوبی افریقہ کی جانب سے مہاراج اور ہیمر نے دو دو جبکہ ربادا نے ایک وکٹ حاصل کی ۔
پاکستان کی جانب سے ایک تبدیلی کی گئی حسن علی کی جگہ آصف آفریدی کو ڈیبیوکروا گیا جو پاکستان کے دوسرے معمر ترین کھلاڑی ہیں ۔دوسری جانب جنوبی افریقہ کے پلئینگ الیون میں کیشو مہاراج کی واپسی ہوئی ہے ۔
واضح رہے کہ دو میچوں کی سیریز میں پاکستان کو ایک صفر کی ناقابل شکست برتری حاصل ہے ۔