پنجاب میں حکومت کی جانب سے زرعی ٹیکس وصولی کا اقدام لاہور ہائیکورٹ میں چیلنج کردیا گیا۔درخواست تحریک انصاف کے ایم پی اے اعجاز شفیع نے محمد اظہر صدیق ایڈووکیٹ کی وساطت سے دائر کی، چیف سیکرٹری پنجاب ،ریونیو بورڈ سمیت دیگر کو فریق بنایا گیا۔
درخواست گزار نے موقف اختیار کیاکسانوں پر غیر آئینی زرعی ٹیکس کا نفاذ غیر آئینی ہے ،حکومت نے اسمبلی کی موجودگی میں اختیارات سے تجاوز کرتے ہوئے ٹیکس کا نوٹیفکیشن جاری کردیا ،حکومت نے اسمبلی کو بائی پاس کرکے زرعی ٹیکس لگایا ، اسپیکر پنجاب اسمبلی نے زرعی ٹیکس پر رولنگ دی مگر رولنگ کو شائع نہیں کیا گیا ،عدالت زرعی ٹیکس کے اضافے کو غیر قانونی قرار دے۔
پنجاب میں زرعی ٹیکس وصولی کا اقدام لاہور ہائیکورٹ میں چیلنج
