ساہیوال (پاک ترک نیوز)وزیراعظم محمد شہباز شریف نے ساہیوال میں سابق رکنِ قومی اسمبلی چودھری محمد اشرف کی رہائش گاہ کا دورہ کیا اور ان کے انتقال پر اہلِ خانہ سے گہرے دکھ اور افسوس کا اظہار کیا۔
وزیراعظم نے رکنِ پنجاب اسمبلی اور صوبائی وزیر برائے منصوبہ بندی و ترقیات مرحوم ملک ندیم کامران کی رہائش گاہ پر بھی حاضری دی، جہاں انہوں نے مرحوم کے بیٹے اور رکنِ پنجاب اسمبلی ملک قاسم ندیم سمیت اہلِ خانہ سے تعزیت اور ہمدردی کا اظہار کیا۔
اس موقع پر وزیراعظم محمد شہباز شریف نے مرحومین کے بلند درجات اور لواحقین کے لیے صبرِ جمیل کی دعا کی۔
وزیراعظم کا کہنا تھا کہ چودھری محمد اشرف اور ملک ندیم کامران نے ہمیشہ اپنے حلقوں کے عوام اور جمہوریت کی خدمت کی۔ پارٹی اور ساہیوال کے عوام کے لیے ان کی خدمات کو ہمیشہ یاد رکھا جائے گا۔
یہ بھی پڑھیں: ایران آج ترکیہ ،پاکستان ،سعودی حکام کی میز بانی کر رہا ہے ،اسماعیل بقائی
تعزیتی ملاقاتوں کے دوران وزیراعظم کے مشیر رانا ثناء اللہ، وفاقی وزیر اعظم نذیر تارڑ اور وفاقی وزیر عطاء اللہ تارڑ بھی موجود تھے۔
