واشنگٹن ( پاک ترک نیوز) امریکی صدر ڈونلڈ ٹرمپ نے بھارتی اشتعال انگیزی اور پاکستان کے منہ توڑ جواب سے متعلق وزیراعظم شہباز شریف کا بیان اپنے سماجی رابطے کے پلیٹ فارم پر شیئر کردیا۔وزیراعظم شہباز شریف نے اقوام متحدہ کی جنرل اسمبلی کے اکیاسویں اجلاس سے خطاب کرتے ہوئے کہا کہ بھارت نے من گھڑت بہانے کے تحت پاکستان کے خلاف جارحیت کی۔وزیراعظم کے مطابق فیلڈ مارشل سید عاصم منیر کی جرات مندانہ قیادت میں بہادر پاک فوج نے بھارتی جارحیت کا منہ توڑ جواب دیا۔
یہ بھی پڑھیں: ٹرمپ نے ایران کی7روزہ جنگ بندی کی تجویز مسترد کردی
شہباز شریف نے کہا کہ پاک فوج نے اپنی مہارت اور پیشہ ورانہ صلاحیت کا مظاہرہ کرتے ہوئے دشمن کو ایسا سبق سکھایا جسے وہ کبھی نہیں بھولے گا۔وزیراعظم کے بیان کو صدر ٹرمپ کی جانب سے شیئر کیے جانے کو پاکستان کے مؤقف کی امریکی سطح پر اہمیت کے طور پر پیش کیا جا رہا ہے۔
