لندن (پاک ترک نیوز )پاکستان کی قومی ٹیسٹ ٹیم نے انگلینڈ کے خلاف ٹیسٹ سیریز کی تیاریوں کا باقاعدہ آغاز کر دیا ۔
قومی ٹیسٹ سکواڈ نے کینٹ کاؤنٹی کلب بیکنہم میں پہلے پریکٹس سیشن میں حصہ لیا، جہاں کھلاڑیوں نے فزیکل ڈرلز کے ساتھ فیلڈنگ کی بھرپور مشق کی۔
پاکستان ٹیسٹ ٹیم کے نئے بیٹنگ کوچ مائیکل اسمتھ نے بھی سکواڈ کو جوائن کر لیا۔ مائیکل اسمتھ نے کھلاڑیوں سے ملاقات کی اور بعد ازاں بیٹنگ پریکٹس سیشن میں بھی شرکت کی۔
قومی ٹیم کے کھلاڑی انگلینڈ کی کنڈیشنز سے ہم آہنگ ہونے کے لیے بھرپور تیاری کر رہے ہیں۔
پاکستان ٹیسٹ ٹیم کل دوپہر 12 بج کر 30 منٹ پر کینٹ کاؤنٹی کلب میں دوبارہ پریکٹس سیشن کرے گی۔
